Guyferd’s Confessions

Ang tulang ito ay aking iniaalay sa mga taong nagmamahal sa tokusatsu genre. Sana’y magustuhan ninyo itong simple kong tula:

SALMO NG ISANG TOKU FAN

Ang toku ang aking idolo.
Hindi ako kukulangin sa prinsipyo.
Ako’y kanyang nililibang,
ng magaganda niyang palabas.
Pinapayapa niya ang nagugulong kalooban,
at tinuturian ng mararangal na asal.
Super Sentai, Kamen Rider, Metal Hero at Ultraman,
mga palabas na tumanim sa aking isipan.
Sa kanyang mga kaaway ipagtatanggol ko siya,
at ang mga kabogenz ay pupuksaing isa-isa                                     Ibabahagi sa iba ang taglay niyang kagandahan                                            at isasabuhay ang magaganda niyang aral
Pagkat hatid niya ay kasiyahan at kabutihan,
sa toku lamang susubaybay hanggang wakas.

Raizenor:(Nagsasalita mula sa monitor) Mga lintik kayong lahat! (Sabay tira ng electrical blasts mula sa mga kamay niya. Lumabas ito sa monitor at tinamaan ang mga Dukes of Terror at mga Dread Guards.) Kayo ang pinakamahuhusay na mga duke at dukesa ng Dreadconia. Nagawa ninyong makapanakop ng mga malalakas na planeta. Pero ang Planetang Daigdig hindi nyo masakop? Mga inutil!

Genoz:(Nakakaramdam pa rin ng sakit) Patawarin nyo po kami Panginoon ko. Hindi po namin akalain na may mahusay palang teknolohiya ang mga taga-Daigdig.

Jiarah:Ipinapangako po namin Panginoon, masasakop namin ang Daigdig at matatalo namin ang mga kasumpa-sumpang mga Volt Rangers.]

Raizenor: O sige pinapatawad ko na kayo. Subalit kapag hindi ninyo natalo ang mga Volt Rangers at nasakop ang Daigdig, higit pa riyan ang matatanggap ninyong parusa. Tandaan nyo yan!(Sabay naglaho ang signal).

Narrator:Ang Mailap Na Paghihiganti.

Leida:Sa dinami-dami ng mga pananakop natin, ngayon pa lamang tayo namatayan ng alagad na halimaw.

Draxor:Nararapat sigurong gumawa uli tayo ng panibago.

Trajan:Hindi muna natin gagawin iyan.

Genoz:Kung ganoon papaano natin matatalo ang mga kalaban natin?

Trajan:Pagmasdan ninyo ito(pinindot niya ang isang button sa control panel at lumabas sa monitor ang isang imahe). Iyan ang aking lihim na imbensyon.  Ang Growth Saucer. Ang sasakyang iyan ay may kakayahang mag-absorb ng enerhiya mula sa araw. Pagkatapos ay icoconvert ng sasakyang ito ang enerhiya mula sa araw bilang mga energy particles. Pagkatapos nito ay papaulanan ng sasakyang iyan ang bangkay ng halimaw. Muli itong mabubuhay. Hindi lang iyan, magiging isang higante ang halimaw. Mas malaki ang halimaw, mas matinding pinsala ang magagawa. Dahil diyan, mas madali nating masasakop ang Daigdig.

Genoz: Kasamang Trajan, mahusay ang iyong estratehiya. Ngayon, mas matitikman ng mga lintik na Volt Rangers ang ating paghihiganti.

(Samantala sa Volt Dragon, si Steve ay nakaharap sa salamin at inaayusan ang sarili.)

Steve:(kumakanta habang nagsusuklay)She maybe the face i can’t forget, the taste of pleasure or regret.

Marianne:Kuya Steve, parang me pupormahan ka ah?

Steve:Ah oo. Bale hahanapin ko iyong babaeng tinulungan natin nung nakaraan.

John:Yun bang babae na sinalo mo? Naku ang ganda-ganda talaga niya!

Mark:Naku P’re, ihanda mo na yang mukha mo mamaya. Siguradong mamumula iyan sa sampal.Kung gusto mong mapasagot kaagad siya, paturo ka sa eksperto sa mga girls.

Jamie:Ikaw Mark, puro ka talaga kayabangan. Ano naman ang akala mo kay Steve?

Steve:O sige guys mauuna na ako. Wish me luck ha?(kumaway siya bago tuluyang umalis.)

Mark:He he he. Hihintayin ko ang namumulang mukha niya mamaya.(Sakay ng kanyang kotse, nagtungo si Steve sa siyudad. Matagal-tagal din niyang hinahanap si Ericka subalit hindi niya makita. Sa kabila ng matiyaga niyang paghahanap, wala siyang napala. Pumarada siya sa may tapat ng isang department store.)

Steve:Haay! Ang malas naman! Kanina pa ako naghahanap pero di ko pa rin siya nakikita.(Napansin ni Steve na mayroong umiiyak na batang babae.Nilapitan niya ito.) Bata, bakit ka umiiyak?Nawawala ka ba?

Kate: Opo. Naiwan po kasi ako nung school bus ko eh.

Steve:O sige tahan na. Hayaan mo at ihahatid na kita.

Kate:Talaga po?

Steve: Oo naman. Wag kang matakot. Mabait naman ako eh. Ako nga pala si Steve. Ikaw, ano’ng pangalan mo?

Kate: Ako nga po pala si Kate.

Steve:O Kate, sumakay ka na sa kotse at ihahatid na kita.

Kate: Salamat po Kuya.(Sumakay na nga ang dalawa sa kotse. Ihinatid ni Steve si Kate sa isang school na katabi rin ng isang simbahan at bahay ampunan. Samantala, nakarating doon ang school bus. Pinapila ni Ericka ang mga bata. Napansin niya na may kulang sa mga estudyante niya.)

Ericka: Mga bata, wala ba sa inyong nakapansin kay Kate?

Batang lalaki: Teacher, hindi po namin siya napansin.

Ericka:(nag-aalala) Naku paano kaya ito? Mga bata pumunta na kayo sa mga kwarto ninyo. Hahanapin ko lang muna si Kate.

Kate:Teacher!(Matapos tawagin ni Kate, napatakbo si Ericka at niyakap ang bata.)

Ericka:Kate! Naku, salamat sa Diyos at nakabalik ka. Alam mo, alalang-alala ako sa iyo.

Kate:Teacher, hinatid po ako nung mama. Siya po.(Itinuro ng bata si Steve at pagkatapos ay kumaway ito sa kanya.)

Ericka(sa sarili):Siya yung lalaking nagligtas sa akin.(Lumapit si Ericka kay Steve.) Salamat sa iyo mister at ihinatid mo si Kate.(Sinabihan niya si Kate na pumasok na sa kaniyang kwarto.)

Steve:Ah eh, walang anuman iyon. Ako nga pala si Stephen James Castro. Tawagin mo na lang akong Steve

Ericka:Ako nga pla si Ericka. Ericka Jane Laurentis. Salamat uli sa tulong ma ha?

Steve:Walang anuman yon. Pwede ba kitang yayaing lumabas bukas?

Ericka:Sige, tutal sabado naman kinabukasan.

Steve: Salamat ha? Sige mauna na ako. Nice meeting you.(Umalis si Steve sakay ng kanyang kotse.)

Ericka: Bye. Thank you uli sa paghahatid mo kay Kate.(Sabay alis ng kotse.)

Commercial Break

(Kinabukasan ng tanghali, lumabas ang dalawa upang mananghalian.)

Steve: Salamat nga pala at pumayag kang mag-lunch kasama ko.

Ericka: Walang anuman. Utang na loob ko sa iyo ang buhay ko, kaya maano namang lumabas akong kasama ka di ba?

Steve:Isa ka palang teacher ng mga bata sa orphanage. Mabait ka palang babae.

Ericka:Lumaki kasi ako sa bahay ampunan kasama nung kapatid kong babae. Yung kapatid ko, nagaaral ngayon ng medisina sa Amerika. Ako naman, nagtuturo sa mga batang naulila. Ikaw, ano naman ang trabaho mo?

Steve:Isa akong agent ng Earth Defense Squadron. Tungkulin namin na pangalagaan ang kaayusan ng mundo. Part time na car racer din ako.

Ericka:Earth Defense Squadron? Ang organization na iyan ang pangunahing nabibigay ng donation sa orphanage.

Steve:Ganun ba? He he, si Admiral Peña talaga. Hindi niya ito ikinukwento sa amin.(habang nanananghalian sila, ang 4 na rangers naman ay nagtungo sa isang rock quarry sakay ang kaniang mga motorsiklo. Kinontak ni Mark si Steve gamit ang kanyang brace. Nagpaalam si Steve kay Ericka na pupunta lang sa restroom)

Mark:Steve, pasensya na kung medyo maaabala iyang date mo. Nagbabanta na naman na gumawa ng katarantaduhan ang mga Dreadconians. Kailangan ka namin dito.

Steve:Naman! Bakit ngayon pa gumawa ng kalokohan ang mga iyon! O sige papunta na ako diyan.(Sabay patay ng brace. Bumalik si Steve sa may lamesa nila ni Ericka.) Ah Ericka, ihahatid na kita sa bahay-ampunan. Kinontak kasi ako ng mga kasama ko.

Ericka: Ganun ba? Sige, tumuloy na tayo. Salamat uli sa lunch ha? (Tinawag ni Steve ang waiter at binayaran ang kanilang bill bago umalis. Sumakay sila sa kotse. Matapos iyon, pinaandar ni Steve ang sasakyan. Nang medyo nakalayo na sila, bigla namang may tumira sa may harapan ng kotse. Napapreno si Steve. Binilinan ni Steve si Ericka na huwag lumabas ng kotse at pagkatapos ay bumaba dito. Biglang tumambad sa harapan niya si Genoz.)

Genoz:Ha ha ha. Kamusta na taga-lupa?

Steve:Ikaw na naman? Hindi ko papayagang ituloy mo ang mga kalokohang binabalak nyo.

Genoz:Wala ka nang magagawa hangal. Tatapusin na ng mga kasama ko ang 4 mong mga katropa. Ako mismo ang tatapos sa iyo. Iligpit kita na parang daga.

Steve:Ilusyonado ka ulol! Volt Changer!(Nagpalit anyo si Steve.)

Ericka:(Sa sarili) Isa siyang Volt Ranger?(Nagsimulang maglaban si Steve at Genoz. Nagpalitan sila ng sipa at suntok. Hindi naglaon, binunot ni Genoz ang kanyang espada at si Steve naman ay binunot ang kanyang Volt Blade. Nagpaespadahan sila. Sa kainitan ng kanilang labanan, biglang lumitaw sa eksena si Derad Orge. Binigyan niya ng flying kick si Genoz. Matapos siyang masipa ay tumira si Genoz ng laser beam mula sa kanyang mga daliri. Naiwasan ni Volt Red ang tira ni Genoz. Binunot niya ang kanyang Volt Blaster at pinaputukan sa may paanan ang dalawa. Sinamantala ni Steve ang pagkakataon upang itakas si Ericka.)

Genoz:Lintik! Nakatakas siya! Dread Orge, puntahan na natin sina Draxor.

Dread Orge:Opo Panginoong Genoz. (Sabay naglaho ang dalawa. Ihinatid naman ni Volt Red si Ericka sa orphanage.)

Ericka:Muli mo na namang iniligtas ang buhay ko. Salamat ulit.

Steve:Walang anuman iyon. Basta, lagi kang mag-ingat Ericka.(Umalis si Steve sakay ng kanyang Volt Cycle. Si Admiral Peña naman ang kumontak sa kanya.)

Admiral Peña:Volt Red, kailangan ka na ng mga kasama mo. Puntahan mo na sila.

Steve: Roger Sir!(Sabay patay ng brace. Nakarating si Steve sa battle site. Sinalubong siya ng kanyang mga kasama.) Guys, pasensya na kayo at medyo na-late ako ng dating. Tinambangan kasi ako nung tarantadong Genoz na iyon eh. Kamusta na nga pala dito?

Jamie:Wala pa naman ang mga walanghiya.( Sabay may tumira sa kanila ng energy wave mula sa malayo.)Naku, mukhang nandito na nga sila.(Biglang lumitaw ang mga Dukes of Terror at ang mga Dread Guards.)

Draxor: Mga kasumpa-sumpang mga nilalang! Katapusan nyo na ngayon.

John:Gago! Papaano mo nyo naman gagawin iyan?

Leidah:Ha ha ha. E di ganito.(Ihinagis ng mga Dread Guards ang mga labi ni Gila Dreadcon.)

Marriane:Nagpapatawa ba kayo? Mukha ba kaming mga kabaong para hagisan ng bangkay? Eeeeewwww! Kayo ha? Sumusobra na kayo!

Trajan:Hindi naman kayo mga kabaong para hagisan namin ng bangkay pero di magtatagal, tanging mga bangkay niyo na lang ang matitira sa lugar na ito.

Mark:Andami niyo namang dada!

Jiarah:Lubusin na ninyo ang dal-dal dahil mananahimik na kayo habambuhay.

Genoz:Maghanda na kayong mamaalam sa mundo Volt Rangers! Katapusan niyo na! Growth Saucer, descend!(Lumunsad ang Growth saucer mula sa Dreadconopolis. Nakapasok ito sa atmosphere ng mundo at nakita ito ng mga rangers.)

Steve:Ano na namang kalokohan ito? At nagdala ka pa ng lumilipad na plaka.

Genoz:Kalokohan pala ha? Pwes, panoorin niyo ito.( Tumapat ang Growth Saucer sa tapat ng bangkay ni Gila Deradcon. Nagpakawala ito ng energy wave at muling nabuhay ang halimaw. Hindi lang ito nabuhay. Lumaki pa ito sa taas na 105 meters o katumbas ng isang 35 story building.Nataranta ang mga rangers nang makita ang dambuhalang halimaw.)

Marianne:Teka, natalo na natin ang halimaw na iyan ah? Papaano iyan muling nabuhay? At ang laki-laki pa!

Genoz: Ha ha ha! Tikman ninyo ang lupit ng aming paghihiganti. Gila Dreadcon, puksain mo ang mga lintik na iyan!.(Nagsimulang tumira ng fire ball ang halimaw sa mga rangers. Nagdulot ito ng malalakas na mga pagsabog.Tinatangkang tapakan din ni Gila Dreadcon ang mga rangers, subalit naiiwasan nila ang mga ito.)

Steve:(Kinontak niya ang Volt Dragon gamit ang kanyang bracelet.) Sir, naging isang dambuhalang halimaw po yung natalo namin at inaatake na po kami. Ano po’ng gagawin namin?

Admiral Peña:Volt Red, tawagin mo ang mga Volt Machines.

Steve:Roger sir.(sabay patay ng communicator). Volt Machines, take off!(umusod pakanan at pakaliwa ang mga gusali sa harapan ng Volt Dragon. Lumitaw mula sa ilalim ang 5 Volt Machines, pagkatapos ay nagtake-off. Lumapag ang mga ito sa battle site at sumakay ang mga rangers. Matapos iyon ay muli nilang pinalipad ang mga ito. Tumira ng laser ang mga mata ng halimaw subalit naiwasan nila ang mga ito. Tinira nila ito ng laser at binagsakan ng mga missilles.) Unite, Volt Machines!( Bumuo ng isang cross formation ang mga Volt Machines. Unang nag-unite ang Volt Machines 2 and 3 kung saan naging mga paa ang Machine no. 3 at katawan ang Machine no. 4. Sununod namang kumabit ang Machines 4 and 5 na naging mga braso. At panghuli ay kumabit naman ang Machine No. 1 na naging ulo ng robot. Nang mabuo na ang robot, nakapasok ang 5 rangers sa cockpit nito at saka lumapag.)

Steve, Mark, John, Marianne, Jamie:Volt Robot complete!:(sabay gawa ng fighting pose.)

Jiarah:(nagulat):Imposible! Papaano nagkaroon ng ganyang armas ang mga taga-Daigdig?

Trajan:Di bale. Wawasakin ni Gila Dreadcon ang dambuhalang basurang iyan.(Sabay naglaho silang lahat.Nagsimulang maglaban ang Volt Robot at ang halimaw. Nagpalitan sila ng suntok at sipa. Matapos iyon, tumira ng ang halimaw ng fire ball at tinamaan ang robot, matapos iyon ay tumira naman ng laser ang halimaw.)

Steve:Cannon Blaster.(Inilabas ng robot ang isang baril at saka tinira ng sunod-sunod ang halimaw.)Vulcan Blaster.(Muling naglabas ng isang baril ang robot at muling pinagbabaril ang halimaw.Pagkatapos  non ay tumalon ang robot at binigyan ng isang corkscrew flying kick ang halimaw sa mukha.) Volt Gladius(Inilabas ng robot ang espada nito.Tinaga nito ng sampung beses ang halimaw sa iba’t-ibang parte ng katawan nito. Pagkatapos non ay umilaw ang espada dahil sa laser.)

Steve,Mark,John,Marianne,Jamie:Volt Gladius, Final Blade Crash!(Inislash ng pa-x ng robot ang halimaw.Natumba ang halimaw at sumabog. Pagkatapos non ay gumawa ng fighting pose ang robot. Pagkatapos ng laban ay nagdatingan ang maraming mga tao.Bumaba ang mga rangers mula sa kanilang robot.)

Mga tao:Maraming salamat sa inyo mga Volt Rangers!

Steve:Walang pong anuman iyon mga kapatid. Ginagawa lang namin ang aming misyon. Isang bagay lang ang ipinapangako namin. Hanggang naririto ang mga Volt Rangers at ang Earth Defense Squadron, hindi masasakop ng mga Dreadconians ang ating planeta.(Nagpaalam na ang mga rangers at muling sumakay sa Volt Robot. Pinalipad nila ito pabaliksa Volt Island habang nagpapaalam sa kanila ang mga tao.)

Narrator:Muli na namang nahadlangan ng mga Volt Rangers ang masamang balak ng mga Dreadconians. Subalit hindi susuko ang mga kalaban hanggang hindi nasasakop ang Daigdig. Hanggang naririto ang mga Volt Rangers, mananatili ang kapayapaan at kalayaan ng mundo.

Itutuloy…………..

Earth Defense Squadron Volt Rangers Episode 3 by guyferd_20 is licensed under a Creative Commons Attribution-Noncommercial-No Derivative Works 3.0 United States License.

Narrator:Nagsimula nang lumusob sa Daigdig ang mga Dreadconians.Natalo na nila ang mga pwersa ng malalaking bansa. Ngayon, ang Pilipinas na ang kanilang sasalakayin. Subalit dumating sa eksena ang mga Volt Rangers at pinigilan ang masamang balak ng mga Dreadconoans. Ngayon, ang totoong laban ay magsisimula na.

Steve:Okay team, laban na!

Narrator:Ang Matinding Salpukan.

Trajan:Sino kayong mga pangahas na nilalang?

Steve:Kami ang mga Volt Rangers! Kaming lima ay isinugo upang pigilan ang inyong pinaggagagawang katarantaduhan!

Genoz:Ulol! Akala ninyo matatapatan ninyo ang aming lakas? Mga ilusyonado at kasumpa-sumpang mga nilalang.

Mark:Ikaw ang ilusyonado tanga! Hindi namin basta isusuko ang Mundo sa mga katulad ninyo!

Jamie:4 na taon kaming nagsanay para harapin kayo. Hindi kami natatakot sa inyo!

John:Napakarami na ninyong pinatay na mga tao at winasak na mga lungsod. Walang kapatawaran ang ginawa ninyong kawalanghiyaan!

Marianne: Para sa Mundo at mga tao, handa kaming lumaban ng patayan!

Draxor: Mga gung-gong! Sa akala ba ninyo ay uubra kayo laban sa amin? Kung gusto ninyo ng patayan, sige! Dread Soldiers, puksain ang mga lintik na iyan.

Steve: Team, pakitahan natin sila ng matinding laban.

Mark,John,Marianne, Jamie: Okay! (Nagsimulang lumusob ang mga Dread Soldiers sa mga rangers. Ginamit ng mga rangers ang kanilang kaalaman sa martial arts. Natalo nila ang mga Dread Soldiers.Sunod na lumusob ang mga Dread Guards.Nilabanan ni Volt Red si Dread Orge, ni Volt Black si Dread Beest, ni Volt Blue si Dread Faun, ni Volt Yellow si Dread Lynx at ni Volt Pink si Dread Cat. Bahagyang nahirapan ang mga Rangers sa mga Dread Guards. Lumusob na rin ang mga Dukes of Terror sa mga Volt Rangers. Bago tuluyang umatras ang mga Dreadconians, tumira si Genoz ng kanyang energy wave sa mga Rangers. Nasabugan ang mga rangers.)

Genoz:Hindi pa tapos ang laban mga rangers!( Tumapat sa kanila ang Dreadconian Flag Ship at hinigop sila).

Steve:Grabe ang lalakas nila. Mga kasama, bumalik muna tayo sa base.

(Samantala, sa Dreadconopolis)

Draxor:Malakas din pala ang mga taga-Daigdig. Mayroon din pala silang mahusay na teknolohiya.

Leida:Huwag ninyong sabihin na ang mga limang taong iyon ang pipigil sa atin.

Jiarah:Kapag hindi natin nasakop ang planetang ito, siguradong magagalit si Panginoong Raizenor.

Genoz:Punyeta! Hindi ako makakapayag na ang mga kasumpa-sumpang nilalang na iyon ang hahadlang sa ating mga binabalak.Kailangan natin silang mapuksa.

Trajan:Mga kasama, may naisip na akong magandang plano upang matalo natin ang mga Volt Rangers.

(Samantala, sa Volt Island)

Steve:Sir, hindi po pala biro ang mga nakalaban namin.

Marianne:Bawat isa po sa kanila ay may pares ng sungay.Mala-demonyo pa ang kapangyarihan nila.

Draxor:Rangers!(nagsasalita mula sa monitor)Bihag namin ang ilang mga sibilyan.Magpunta kayo dito sa Clark Field Air Base.Kung hindi kayo pupunta, gigilitan namin sila ng leeg.Ano? Mga duwag!!Ha ha ha ha ha!!(sabay nawala ang signal).

Mark:Sandali lang! Grabe! Masahol pa sila sa demonyo!

Marianne:Sir, pahintulutan nyo na po kaming pumunta sa lugar na iyon.

John:Baka po kung ano pa ang gawin nila sa mga bihag nila.Kailangan po natin silang tulungan.

Admiral Pena:Isa lamang itong patibong.Mapapahamak kayo kapag nagpatuloy kayo.

Jamie:Sir, papaano naman po ang mga bihag nila? Ang Diyos lang po ang nakakaalam kung ano ang gagawin ng mga Dreadconians.Mas mabuti na po na lumaban kami para iligtas sila.

Steve:Kayo na rin po ang nagsabi na kami ay ang mga tagapagtanggol ng mundo at tagapagligtas ng mga tao.Sir, payagan nyo na po kami na magtungo doon. Kailangan namin silang iligtas.

Admiral Pena:Hindi ako nagkamali sa pagpili sa inyo bilang mga rangers.Karapat-dapat kayo sa inyong tungkulin. Sige na, pumunta na kayo doon at iligtas ang mga tao.

Steve:Salamat po sir.(sa kanyang mga teammates)Guys, let’s go!

Mark, John, Marianne, Jamie:Roger!(Sabay alis)

Admiral Pena:Nawa’y pagpalain kayo.

Commercial Break

(Nagtungo na ang mga rangers sa Clark Field Air Base.Bantay sarado ang mga Dreadsoldiers sa lugar na iyon).

Jamie:Bantay sarado ang buong Air Base.Papaano kaya natin mapapasok iyan?

Marianne:Hindi ko alam Ate Jamie.

Mark:Ah basta, susugod na ako!

Steve:Mark, sandali lang!(Nagmadaling tumakbo si Mark patungo sa may bakod.Nang hinawakan niya ito, may kung anong pwersa na nagtulak sa kanya pabalik sa mga rangers.)

Marianne:Kuya Mark, ayos ka lang?

Mark:Aray!! Grabe! Ang sakit! Ano kaya ang meron diyan?

Steve:Mark, ungas ka talaga! Tingnan mo ito.(Itinapon ni Steve ang isang piraso ng tela sa may bakod.Di naglaon, nagliyab ito dahil sa kuryente.) Nababalot ng kuryente ang buong lugar.Kung napadikit ka pa ng mas matagal, siguradong chicharong kawali, o litsong bulaklak ang kalalabasan mo!

John:Steve, baka chicharong bulaklak at litsong kawali ang ibig mong sabihin.

Mark:Oo na wala na akong ingat! Nakuryente na nga ang tao, inaalaska nyo pa!(Sabay may lumusob na limang Dreadsoldiers.)

Steve:Mga kasama, ilag!(Naiwasan nilang lima ang pagsugod ng mga Dreadsoldiers.Nilabanan nila ang mga iyon at natalo.Sa mga kasama niya) Guys, naiisip nyo ba ang naiisip ko?

Mark:Sa palagay ko nga Steve

Marianne, John Jamie:Operation, balat-kayo!(Hinubad nila ang damit ng mga Dread Soldiers sabay itinali ang mga ito.Isinuot nila ang mga uniporme ng mga sundalo.)

John:Buti na lang, Steve naisipan mo ang magdisguise.Makakapasok na tayo sa loob.

Jaime:Ano bang klaseng uniporme ito?Ang sikip-sikip!

Mark:Hala! Tumataba ka na! Di ka na sexy!

Jamie:(Binatukan si Mark)Ummm! Puro ka kalokohan!

Mark:Aray! Di ka na mabiro!

Steve, John Marianne:Ha ha ha ha ha!(Nagsimula nang isagawa ng mga rangers ang kanilang balak.Humiwalay si Steve sa kanyang mga kasama. Hinanap ni Steve ang control room.Hinanap naman ng 4 pa niyang kasama    ang pinagkulungan sa mga bihag.Nang makita na nila ang kanilang mga pakay,isinagawa na nila ang kanilang plano.Nilabanan nina Mark, John , Jamie at Marianne ang mga nagbabantay sa mga bihag na ang bilang ay nasa 100 babae at 100 lalaki.Kinalagan nila sa pagkakagapos ang mga ito at inalis ang nakabusal na tape sa kanilang mga bibig.Nang makalagan na silang lahat, tinunton naman nila ang daan palabas.Samantala, nilabanan naman ni Steve ang mga bantay ng control room.Winasak niya gamit ang kanyang laser gun ang control panel ng force field.Nang mawasak na ang control kinontak niya ang Volt Dragon gamit ang kanyang bracelet.)

Steve:Sir nawasak na po ang force field.Nailigtas na rin po ang mga sibilyan.Mga 200 po sila.Kailangan namin ng back up.

Admiral Pena:Okay. Volt Squad, assemble!(Sumakay ang 50 Volt Squad Troopers sa kanilang mga attack machines. May kasama ring rescue shuttles. Nang makarating  ang sila sa Air Base, nilabanan nila ang mga Dreadsoldiers gamit ang kanilang mga laser rifles at  iron rods. Nang mapatumba na ag mga Dreadsoldiers, lumabas ang apat na rangers kasama ang mga pinalayang bihag. Aalis na sana sila, subalit may isa pa palang hostage ang mga Dreadconians. Isang babae na nakatali at may tape sa bibig. Ang pangalan ng babae ay Ericka Jane Laurentis. Ang mga Dukes of Terror at mga alalay nilang Dread Guards ay nasa may tuktok ng isang building).

Genoz:Mga gago! Akala nyo ba maiisahan niyo kami ano? Ngayon ibaba ninyo ang mga armas ninyo.

Mark:Ano? Bakit naman namin gagawin iyan?

Genoz:Magpatuloy kayo sa pagmamatigas at ihuhulog namin siya.

Ericka:Mmmmmmph! Mmmmmmph! Mmmmmph!

Mark:(sa sarili) Miss, patawarin mo kami.Kailangan naming iligtas ang mga tao. (Sa mga Volt Squad Troopers at mga kasamang rangers.) Mga kasama, huwag niyo silang sundin!

Genoz:He he he he! Sige ihulog ang babaeng iyan!(Itinulak ng mga Dread Guards si Ericka)

Ericka:Mmmmmmpph! Mmmmmmmph!  Mmmmmppppph!(Nagsigawan ang mga tao.Napatungo ang apat na rangers dahil sa pagsisisi sa pagaakalang patay  na si Ericka. Subalit di nila napansin na tumalon si Steve upang saluhin si Ericka.Nasalo niya ang dalaga at lumanding na nakataluhod.)

Steve:Guys, nailigtas ko na siya!(Karga-karga niya si Ericka.Agad lumapit ang 4 niyang kasama.)

John:Steve, astig ka talaga!(Ibinaba ni Steve si Ericka.Nang maibaba na siya, kinalagan siya ni Marianne at Jamie.Inalis naman ni Mark ang tape sa bibig niya.)

Mark:Miss sorry ha? Kailangan lang kasi naming mailigtas ang mga tao.

Ericka:Ayos lang sa akin iyon. Ang mahalaga ay ligtas na ang lahat.(Kay Steve) Salamat nga pala sa pagliligtas mo sa akin. Utang ko sa iyo ang buhay.

Steve:(nahihiya):Ah eh, walang anuman iyon miss.Mabuti pa sumama ka na sa Volt Squad Troopers.

Ericka:Okay.(Sumama siya sa mga nailigtas na mga bihag.Nang makasakay na ang lahat sa mga rescue shuttles, umalis ito patungo sa Volt Island.)

Steve:Ngayon naman, sa mga kontrabida naman tayo.

Genoz:Punyeta! Gila Dreadcon, puksain ang mga lintik na iyan!(Lumabas ang halimaw mula sa pader ng isang gusali at nagsimula itong magsisigaw.)

Draxor:Bahala ka nang lumaban sa kanila.(Pagkasabi nito, naglaho ang mga Dukes of Terror at mga Dread Guards.)

Steve, Mark, John, Marianne, Jamie:Volt Changer!(Pinindot nila ang kanilang mga bracelet at nagtransform).

Steve:Tagapagtanggol ng mundo, tagapagligtas ng mga tao.Earth Defense Squadron…..

Steve, Mark, John, Marianne, Jamie:Volt Rangers!!!(Sabay gawa ng fighting pose. Matapos iyon, nilusob nila ang halimaw.Isa-isa silang sinuntok ng halimaw.Matapos iyon, tumira ng laser ang mga mata ng halimaw.Tinamaan ang mga rangers ng mga laser.Bumuga din ng fire ball ang halimaw mula sa bibig nito, na nagdulot ng mga pagsabog.Tumilapon ang mga rangers.Magksamang bumagsak sa isang lugar si Volt Red, Volt Black at Volt Blue.Magkasama naman si Volt Yellow at Volt Pink.Hinarap ng halimaw si Volt Yellow at Volt Pink, at pinaputukan ng laser bullets mula sa mga daliri nito.Matapos iyon, tumira ng dalawang laser beam si Gila Dreadcon mula sa bibig nito.Iginapos ng mga beam ang dalawang babaeng rangers.Nang mawala ang liwanag ng mga laser, naging mga kadena ito.Patakbong lumusob ang halimaw kina Volt Yellow at Volt Pink, subalit tumalon si Steve at nagbigay ng cork screw flying kick sa halimaw. Lumapit naman si Volt Black at Volt Blue sa mga babaeng rangers at pinutol ang mga kadena gamit ang kanilang Volt Blade.Muling tumira ang halimaw ng mga fireballs subalit nakaiwas ang mga rangers.Tumalon ng mataas si Volt Red sabay gamit ng Volt Blaster sa halimaw.Lumanding si Steve na nakatayo sa dalawang paa.)

Steve:Okay team. Battle formation!(Pumusisyon sa unahan si Volt Black at Volt Blue. Sa gitna naman pumwesto si Volt Pink at Volt Yellow at sa likuran naman pumusisyon si Volt Red.Inilahad ni Volt Yellow at Volt Pink ang kanilang mga kamay.Tumakbo si Volt Red, tungtong sa mga kamay ng dalawang babae at itinulak pataas si Volt Red upang makatalon ng mas mataas.Pagkatalon ni Volt Red, tumalon naman siya mula sa balikat ni Volt Black at Volt Blue, sabay bigay ng isang summersault slash kay Gila Dreadcon gamit ang Volt Blade.Sunod namang tumalon sa mga balikat ni Volt Red si Volt Black at Volt Blue at nagbigay ng flying punch sa halimaw gamit ang Volt Gauntlets. Sina Volt Yellow at Volt Pink naman ang tumalon sa mga balikat ng mga dalawang lalaking rangers at saka binaril ng Volt Blaster ang halimaw.Ng makalapag na ang dalawa, sabay-sabay naman nilang tirahin ang halimaw ng laser gamit ang kanilang mga Volt Gauntlet.)

Steve:Volt Cannon.(Binuhat nina Volt Black, Volt Blue, Volt Yellow at Volt Pink ang Volt Cannon at si Volt Red naman sa mga control panels)Target scan.(Iniscan sa monitor ng kanyon.)Fire!!(Pinindot ni Volt Red ang button at tumira ito ng malakas na laser.Tinamaan ang halimaw at sumabog ito.Pagkatapos ng laban, nagabalik ang mga rangers sa Volt Dragon)

Admiral Pena:Rangers, binabati ko kayo.Tagumpay ang una ninyong misyon. (Kinamayan silang isa-isa).

Steve:Wala  pong anuman Sir.Nangangako po kami na lalaban pa sa abot ng aming makakaya.(Dinismiss ni Admiral Pena ang mga rangers.Pagkasaludo ay umalis ang mga ito.)

Narrator:Nagtagumpay ang mga Volt Rangers sa una nilang misyon. Subalit hindi basta-basta susuko ang mga Dreadconians.Patuloy silang lalaban hanggang masakop ang Daigdig. Pangalagaan ang magandang bukas ng Daigdig, Earth Defense Squadron, Volt Rangers!

Itutuloy………..

Earth Defese Squadron Volt Rangers Episode 2 is licensed under a Creative Commons Attribution-Noncommercial-No Derivative Works 3.0 Philippines License.

Narrator:Bangon! Mga Mandirigma ng Katarungan.Taong 1980, muling bumangon si Raizenor Magnus pagkatapos ng kanyang 25,000 pagkakahimlay.Sa kanyang muling pagbangon, nagawa niyang sakupin ang kanilang kalabang planeta ang Zironia. Sa loob ng 27 taon niya sa kanyang trono sa Planetang Dreadconia, nagawang sakupin ng mga tauhan niya ang maraming planeta sa Milky Way.Yaong mga ayaw pasakop sa kanilang kapangyarihan ay kanilang winawasak.At sa Taong 2007, nagbabanta ang kanyang mga tauhan na sakupin ang Planetang Daigdig.

Raizenor:(nagsasalita mula sa monitor)Matagal na panahon narin simula nang ikulong ako ng mga lintik na Zironians.Hindi na natin sila problema ngayon dahil nasakop na natin sila.Marami na rin tayong nasakop na mga planeta sa Milky Way. Ngayon, gusto ko na sakupin ninyo ang Planetang Daigdig.Idadagdag natin iyan sa ating malaki at makapangyarihang imperyo.

Genoz:Masusunod po ang inyong nais aking panginoon.Kaming mga Dukes od Terror ay tiyak na magtatagumpay.Dudurugin namin ang mga kasumpa-sumpang mga tao.

Draxor:Wala po silang laban sa ating kapangyarihan.Silang lahat ay matutulad sa mga kulisap.Hindi namin sila pakikitahan ng awa.

Leida:Tiyak na po ang ating tagumpay Kamahalan.Mga tanga sila kung sa akala nila ay uubra sila laban sa atin.

Trajan:Magiging madali lamang po ang pagsakop natin sa kanila.Hindi sila magiging banta sa atin.

Jiarah:Nalalapit na po ang katapusan ng mga tao.Mabuhay ang imperyo ng Dreadconia!!

Genoz,Draxor,Magnar,Leida:Mabuhay ang Imperyo!!Mabuhay!!

Raizenor:Simulan na ang pananakop!(sabay naglaho ang signal).

Narrator:Naghahanda na sa paglusob ang mga Dreadconians.Mula sa kanilang himpilan sa Planetang Mars, gumawa sila ng mga mababangis na mga halimaw.(Sa kanlang laboratoryo, lumabas ang halimaw na si Gila Dreadcon.)

Genoz:(Nagpapadala ng utos sa mga sundalo mula sa kanilang flagship)Para sa tagumpay ng ating Imperyo.Dreadconians, humanda sa paglusob.

Dread Soldiers:Opo!!(Sumakay ang mga Dread Soldiers sa mga Dread Carriers.Ang iba naman ay sumakay sa mga Dread Saucers. Nang maibigay ni Genoz ang utos, lumipad ang flagship na sinasakyan ng mga Dukes of Terror at ng kanilang mga alalay na Dread Guards.Sunod na lumipad ang mga Dread Carriers at Dread Saucers.)

Narrator:Samantala,sa Planetang Daigdig, naghahanda na ang mga bansa sa paglusob ng mga Dreadconians.

Male Personnel: Ginoong Secretary General, nadetect po ng ating mga satelite ang mga Dreadconians tulad po ng sinabi ni Dr.Ronald at Angela Laurentis.

Sec. General: Kailangan an nating balaan ang lahat ng bansa.(Nakipagusap sa lahat ng mga bansa gamit ang computer).Ito ang U.N. Sec. General. Maghanda na ang lahat. Lulusob na ang mga Dreadconians.Inuulit ko maghanda na ang lahat.

Babae:Nakahanda na po ang Gran Britanya.

Lalaki:Nakahanda na rin po ang Estados Unidos.

Babae:Nakahanda na po ang Bansang Hapon.

Lalaki:Nakahanda na po ang Russia.

Lalaki at Babae:Nakahanda na po ang lahat ng mga bansa!(Nakahanda na ang hukbong dagat,panghimpapawid at panlupa ng mga bansa sa Daigdig.Nagsimula na ngang lumusob ang mga Dreadconians.Lumusob ang mga fighter planes ng mga tao sa Dreadconian Flagship, subalit hindi man lamang nila ito napinsala.Nawasak ang mga fighter planes nang magsimulang tumira ng missilles at laser ang flag ship. Ang mga Dread Carriers naman ay nahati sa dalawa. Ang itaas na bahagi ay naging mga fighter jets at ang ibabang bahagi ay naging mga tangke.Ang mga tangke ay lumusong sa dagat at winasak ang mga barkong pandigma.Ang mga fighter jets naman ay lumusob sa mga siyudad at winawasak ang mga gusali.Lumapag naman ang mga Dread Saucers sa lupa at nagbabaan ang mga Dread Soldiers sakay ang kanilang mga armored vans.Nakipaglaban ang mga tao gamit ang mga tangke, subalit hindi tinatablan ang mga armored vans.Winasak ng mga Dreadconians ang mga sasakyang panlupa gamit ang mga kanyon ng kanilang armored vans. Hindi rin kinaya ng mga tao ang mga mismong Dread Soldiers, dahil hindi sila tinatablan ng mga bala.Pinagbabaril ng mga Dread Soldiers ang mga tao gamit ang kanilang laser rifles.Dahil sa sabay-sabay na paglusob sa himpapawid, dagat at lupa, nakubkob ng mga Dreadconians ang maraming mga bansa.Samantala sa UN Headquarters..)

Male Personel:Sir, masama pong balita.

Sec. General:Bakit? Ano na ang nangyayari?

Male Personel:Natatalo na po ang puwersa ng mga bansa.Marami na rin pong mga siyudad ang winawasak ng mga Dreadconians.

Sec. General:Wala na tayong pagpipiliang iba.Tawagan mo ngayon din ang Volt Island.

Male Personel:Yes sir.(Katulad ng bilin ng Sec. General, tumawag nga ang personel sa Volt Island.Sa Volt Dragon na siyang command center ng buong isla, natanggap ni Marie Chan ang tawag mula sa U.N.)

Marie:Ito po ang Volt Island.Magandang araw po.

Male Personel:Magandang araw din.Kailangan kong makausap si Admiral Victor Pena.Isa itong emergency.

Marie:Sige po sir(kay Admiral Pena).Sir importanteng tawag po mula sa U.N.

Admiral Pena:O sige, ibigay mo sa akin ang phone.(Inabot ni Marie ang telepono kay Admiral Pena).Hello si Admiral Hector Pena ito.

Male Personel:Sir nanganagnib na po ang mundo ngayon.Natalo na po ang hukbong pangdepensa ng mga bansa.Kailangan na po ang tulong ninyo ngayon.

Admiral Pena:O sige.(Ibinaba ang telepono).Nangyari na nga ang sinabi ni Dr. Ronald at Angela Laurentis.Lumulusob na nga ang mga Dreadconians.Kaya siguro biglang na lamang silang nawala.Annie, tawagan mo ang trainning camp natin. Sabihin mong ihanda na ang limang mga pinakamahuhusay na trainees.

Annie:Opo sir.

Narrator:Katulad ng bilin ni Admiral Pena, tumawag nga si Jimmy sa trainning camp.Mula doon, pinili na ang limang pinakamahuhusay na mga trainees.Sila ay sina, Steve Castro, Mark Derick, John Vasquez, Marianne Reese at Jamie Flores.

(Commercial Break)

Trainning Officer:Congratulations sa inyong 5.Kayo ang napili upang ipagtanggol ang mundo.(Isa-isa niyang kinamayan ang 5 kabataan)

Steve:Makakaasa po kayo sir.

(Sumakay ang 5 sa kotse kasama ang trainning officer.Umandar ang kotse patungo sa isang lugar.)

Mark:Apat na taon din tayong nagtrainning guys.Para saan po ba ang yung panahong iyon Sir?

Jamie:Sino po ba ang aming makakalaban at ganoon katindi ang aming trainning?

T.O.:Masasagot din ang mga tanong ninyo pagdating natin sa Volt Island.

John:Volt Island? Ngayon ko lang narinig yun ah.

Marianne:(Napansin ang isang siyudad sa may dagat)Teka iyon na yata ang Volt Island.

Mark:Wow ang hightech!!Mukhang mayaman sa iron.

Jamie:Hello! obvious naman eh!(Sabay huminto ang kotse)

T.O.:Tama na iyan.Diyan lang muna kayo.Wag muna kayong bumaba.(Biglang may lumabas na isang tulay mula sa ilalim ng dagat na nagdudugtong sa isla.Muling pinaandar ng driver ang kotse patungo sa isla.)

Steve:Sir ano po ba iyong nasa gitna ng isla?

T.O.: Iyan ang Volt Dragon.Yan ang command center ng buong isla.(Bumukas ang pinto ng Volt Dragon.Pumarada sa garahe ang kotse at bumaba ang 5 kasama ang trainning officer.Sumakay sila sa elevator na naghatid sa kanila sa may command center ng Volt Dragon.) Sir.(sumaludo ang training officer at ang 5 kabataan)Sila po ang limang napili mula sa napakarami nating trainees.

Admiral:Sige, puwede mo na kaming iwan.(Muling sumaludo ang trainning officer at saka umalis.)Maligayang pagdating sa inyong lima.Ako nga pala si Admiral Hector Pena.At ako ang namamahala sa Earth Defense Squadron.

Steve:Sir para saan po ba at nirecruit ninyo kami?

Admiral:Nirecruit kayo ng Earth Defense Squadron upang maging mga tagapagtanggol ng mundo laban sa Dreadconian Empire.

John:Dreadconian Empire? Sino po ba sila?

Admiral Pena:Isa silang makapangyarihang imperyo mula sa ibang planeta.Ang pangunahing layunin nila ay ang sakupin at pagharian ang buong sanlibutan.Hindi sila basta bastang mga kalaban.

Marianne:Isang lahi ng mga alien? Paano po namin sila kakalabanin?

Admiral Pena: Napaghandaan na natin iyan. Sa tulong ni Dr. Ronald at Angela Laurentis at iba pang mga siyentista, itinayo namin ang Earth Defense Squadron. Ito ang task force na magiging huling linya ng dipensa ng Mundo, sakaling hindi kayanin ng United Nations ang paglusob ng mga Dreadconians. Sa kasalukuyan nga, natatalo na ang depensa ng malalaking mga bansa.

Mark:Sigurado pong malakas ang mga Dreadconians.Papaano po namin sila malalabanan?

Admiral Pena:(Pinindot niya ang remote control at lumapit ang isang robotic table kung saan ay may nakapatong na mga bracelet).Nakikita ba ninyo ang mga bracelets na iyan? Ang mga iyan ang gagamitin ninyo upang maging mga Volt Rangers.

Jamie:Volt Rangers? Ano po iyon sir?

Admiral Pena: Iyan ang inyong code name. Kapag pinindot ninyo ang inyong mga bracelet at isinigaw ang katagang “Volt Changer”, mababalutan kayo ng Volt Plasma Energy at maisusuot ninyo ang inyong mga combat suits.Steve, ikaw ang magiging si Volt Red. Mark, ikaw ang magiging si Volt Black.John, ikaw ang magiging si Volt Blue.Marianne, ikaw ang magiging si Volt Yellow. At Jamie, ikaw ang magiging si Volt Pink.Ngayon, isuot ninyo ang mga bracelet at magtransform.

Steve,Mark,John,Marianne,Jamie:Volt Changer!!(At naisuot nila ang kanilang combat suits.)

Mark:Wow! Astig ng damit ko Pre!!

John:Ang galing! Pakiramdam ko lumakas ako!

Jamie:Ang cute! Favorite ko ang pink!

Marianne:Wow! Ayos to ah!

Steve:Guys, pwede na tayong makipaglaban!

Admiral Pena: Rangers, matinding kalaban ang Dreadconian Empire. Hindi tayo makatityak ng tagumpay.Subalit alang-alang sa Daigdig at sa mga tao, lalaban tayo hanggang sa huli at sa abot ng ating makakaya.

Steve:Nakahanda po kaming lumaban hanggang wakas.Hindi po natin isusuko sa kanila ang Daigdig.

Jimmy: Sir, lumulusob ang mga Dreadconians.Nilulusob po nila ang Manila mula sa himpapawid at sa dagat.

Admiral Pena:Rangers, sumakay na kayo sa mga Volt Machines.

Steve,Mark,John,Marianne,Jamie:Yes sir!(Pumasok sila sa mga elivators na diretsahang naghatid sa kanila sa mga Volt Machines.)

Steve:Volt Machines take off!(Lumipad ang mga Volt Machines at naghanda sa pakikipaglaban sa mga Dreadconians.Samantala, ibinaba ng Dreadconian Flagship ang mga Dukes of Terror sa isang rock quarry.)

Dread Orge:Panginoong Genoz, malapit na po nating masakop ang Planetang Daigdig.

Genoz:Ha ha ha ha! Nalapit na rin ang wakas ng mga lintik na mga tao. Maga sandaling oras na lang at yuyuko na sila sa atin!Ha ha ha ha!(Napansing may dumarating mula sa langit)Huh?

Jiarah:Mga kasama,tingnan ninyo. Mga space jets.

Draxor:Saan galing ang mga iyan?

Genoz:Punyeta! Dread Jets, Dread Tanks, durugin ang mga iyan.

(Mula sa himpapawid, nilabanan ng mga Dreadconians ang mga Volt Rangers.Subalit hindi nila kinaya ang ating mga bida.Tinitira ng mga Volt Machines ang mga Dread Jets ng laser beam at binabagsakan ng missille bombs ang mga Dread Tanks. Matapos ang labanan, bumaba ang mga Volt Rangers.)

Trajan: Mga pangahas na nilalang! Sino kayo?

(Isinigaw nila kung sino sila habang gumagawa ng sariling mga fighting pose.)

John:Volt Blue!

Jamie:Volt Pink!

Marianne:Volt Yellow!

Mark:Volt Black!

Steve:Volt Red!

(Tumalon sila mula sa mataas na lugar pababa malapit sa mga Dreadconians at bumuo ng fighting formation)

Steve:Tagapagtanggol ng mundo, tagapagligtas ng mga tao.Earth Defense Squadron.

Steve,Mark,John,Marianne,Jamie: Volt Rangers!(Sabay gawa ng fighting pose.)

Leida: Volt Rangers?

Steve: Okay team! Laban na!

Narrator: Nagsimula na ang pagtutunggali ng kasamaan at kabutihan.Mula sa Daigdig, bumangon ang mga mandirigmang magtatanggol sa katarungan. Makayanan kaya ng mga Rangers ang lakas ng mga Dreadconians? Abangan ang mga susunod na kabanata ng Earth Defense Squadron Volt Rangers.

ITUTULOY……

rel=”license”=”http://creativecommons.org/licenses/by-nc-nd/3.0/us/“>
http://i.creativecommons.org/l/by-nc-nd/3.0/us/88×31.png” />

This work is licensed under a
http://creativecommons.org/licenses/by-nc-nd/3.0/us/”>Creative Commons Attribution-Noncommercial-No Derivative Works 3.0 United States License.

Valentine’s Day nanaman.Lahat masaya sa pagsapit ng araw na ito.Mga mag-asawa, mag-KR, at iba pa.Puno na naman ang mga restaurants, mga sinehan, mga parks at kung anu-ano pang mga lugar na nagsisilbing pasyalan ng mga nagmamahalan.Sa sobrang sweet nila sa isa’t-isa, daig pa nila ang mga butas na sako ng asukal.

Well, ako naman sa araw na ito eh medyo iba ang nararamdaman kaysa karamihan.Just like sa mga past years ko eh isinicelebrate kong mag-isa ang Valentines Day.Kung wala ako sa school, nasa bahay lang ako at nagsosolo.Binubuksan ko ang radyo at nakikinig ng mga kung anu-anong mga kanta.Medyo mahirap ang  Valentines kapag nagiisa. Malungkot ako kapag sumasapit ang araw na ito.Hindi pa nga pala ako nagkakaGF.Yun siguro ang dahilan kaya ako hindi masaya sa araw na ito.Mahirap din kasi kung wla ka pang trabaho.Wala kang magagastos para sa date.

Ganyan ang aking Valentines Day every year.Malamig gayung magsasummer naman the next month.Pero ganyan talaga ang buhay. Kailanagan mong maging pasensyoso, kung hindi, walang darating na masayang buhay sa’yo.Pinababayaan ko lang na lumampas ang araw na ito.But ihope that one day, pagkatapos kong magaral sa college at nakahanap na ng stable job, hindi na ako malulungkot pag Valentine’s Day.Dapat talaga, magsikap sa eskuwela para magkaroon ng  maligayang buhay sa hinaharap.

Ngayong Valentine’s Day hindi ako magpapakalungkot sa isang tabi.Kahit wala akong GF, gagawin kong masaya ang sarili ko sa araw na ito.Kapag nakatapos na ako ng studies ko, magiging masaya na ako sa Valentine’s Day.

HAPPY VALENTINE’S DAY TO EVERYBODY!!

Kung mayroong isang bagay na magpapaalala sa atin ng makulay na Dekada 80, ang palabas na Hikari Sentai Maskman ang pimaka mainam na halimbawa.Nilikha ito ng Toei Co. Limitted, ang kumpanyang lumikha rin ng Uchuu Keiji Shaider, Kamen Rider Black at iba pang tokusatsu o live action series.Una itong ipinalabas noong 1987 sa TV Asahi sa Japan at taong 1989 sa Pilipinas sa IBC 13 at natapos noong taong 1999.Dahil sa ganda ng effects, istorya at iba pa, naging kilala ito hindi lang sa Japan kundi pati sa Pilipinas, France at Brazil.Mayroon itong 51 kabanata sa kabuuan.

Natatandaan ko pa nung bata pa ako, tuwing Sabado ganap na ika-6 ng gabi, binubuksan ko ang TV at inilalagay ko sa Channel 13.Kapag pinapatugtog na ang openning theme, sinasabayan ko ang pagkanta ganun din sa ending theme nito. Nung nakatira pa ako sa Cavite, kami ng mga pinsan ko ay sama-samang pinapanood ang palabas na ito.At hindi lang ako, pati narin ang mga ipinanganak nung Dekada 80.Ipinanganak kasi ako nung 1987. Kasabay ng ika 21 taong anibersaryo ng palabas na ito ngayong taon, magiging 21 taon na ako sa March. Masayang masaya ako tuwing pinapanood ko ito.

Sa panonood ko ng palabas na ito, marami akong natutunanang mahahalagang bagay.Una na rito ang pagtatanggol ng mga naaapi at paglaban para sa katarungan.Isa siguro ang palabas na ito sa mga dahilan kung bakit naging malaki ang pagtutol ko sa korupsyon sa ating gobyerno at sa pagsasamantala ng mga mayayaman sa mahihirap.Itinuro rin sa akin ng palabas na ito ang magandang maibubunga ng pagtetraining.Sabi nga, habang nagsasanay ang tao, lalo siyang lumalakas.Kaya ako nagsisikap sa pagaaral upang lalo akong maging mahusay sa hinaharap.Itinuturo rin ng palabas na ito ang pagkakaibigan, pagtitiwala sa sarili, paggalang at pagmamahal.Sinasabi nga, lahat ay iyong gagawin alang-alang sa iyong mga minamahal.

Ang Maskman ay nasa genreng Super Sentai. Ibig sabihin, isa itong palabas na ang tema ay isang team ang bida na may 5 mga miyembro at pinamumunuan ng iasang red ranger.Gumagamit din sila ng isang dambuhalang mga robot na tinatawag na mecha.

ISTORYA:

"May natatagong lakas sa loob ng katawan ng tao.Kung ikaw ay magsasanay ng maigi, ang kapangyarihang lalabas ay walang katapusan"

Si Commander Sanjuro Sugata ay natuklasan ang pagkakaroon ng isang imperyo sa ilalim ng lupa na tinatawag na Tube Empire.Sa simula, namumuhay ng mapayapa ang mga mamamayan ito, subalit nang maluklok sa kapangyarihan si Emperador Zeba, ginawa niya itong isang marahas na imperyo at naghangad na sakupin ang lupang ibabaw.Upang mapigilan ito, pumili siya ng 5 mga indibidwal na bihasa sa ibat ibang uri ng martial arts at sinanay sila upang magamit ang Aura Power.

Tagsibol ng taong 1987, naghahanda na ang Imperyong Tube sa paglusob, subalit ibinunyag ni Prinsesa Iyaru, mas kilala bilang Mio kay Takeru ang paglusob ng Tube.Bilang parusa sa kanyang kataksilan, ikunulong siya sa yelo ni Emperador Zeba.

ANG MGA MASKMAN:

Takeru/Red Mask:Ginampanan ni Ryosuke Umizu.Isang 24 na taong gulang na formula 1 racer at isang eksperto sa karate.Mahusay na pinuno ng kanilang team.Isang taon bago ang recruitment sa kanila, nakalaban niya si Com. Sugata matapos iligtas ang isang bata na masasagasaan sana ng isang tren.Dahil sa ipinamalas niyang katapangan, nirecruit siya ni Com. Sugata at naging si Redmask.Napaibig din siya sa isang babae na nagngangalang Mio(Siya si Prinsesa Iyaru) at ang pagnanais na iligtas siya ang kanyang motibasyon sa labanan. Namaster din niya ang technique na tinatawag na Godhand.Sa nalalapit na pagtatapos ng serye, nagawa niyang talunin ng magisa si Baraba sa tindi ng kanyang galit at pakawalan si Mio sa kanyang  kulungang yelo gamit ang kanyang AuraPower.Sa bandang huli, napilitan siyang makipaghiwalay kay Mio sa kadahilanang kailangan si Mio sa kanilang imperyo upang maging bagong reyna nito.Sa Filipino-dubbed version, kilala siya bilang si Michael Joe.

Personal na armas:Masky Blade

Kenta/Black Mask:Ginampanan ni Koichi Kusakari.Isang 22 taong gulang na eksperto sa kung fu.Malakas at matipuno at mahusay na pangalawang pinuno ng kanilang pangkat.Pinatunayan niya ito nang minsang higupin ng isang Doggler Beast ang kapangyarihan ng kanyang mga kasama at siya lang ang natirang nakikipaglaban.Nagtratrabaho siya bilang mekaniko sa Sugata Racing Club at minsang nagtrabaho sa Sun Racing Club. Medyo may pagkatorpe siya sa mga babae.Kilala siya sa Filipino-dubbed version bilang Leonard.

Personal na armas:Masky Rod

Akira/Blue Mask:Ginampanan ni Issei Hirota.Isang 16 na taong gulang na eksperto sa broad sword at chinnese boxing.Pinakabata sa grupo.Masayahin at mahilig sa mansanas.Sumali siya sa isang huwad na torneo upang bigyan ng kasiyahan ang kaniyang ina na iniwanan niya upang magaral ng martial arts Sa kalagitnaan ng programa, sinapian siya ng espiritu ni Underground Knight Unas na tinangkang buhayin ng mga taga-ilalim ng lupa upang sana’y tulungan silang mapatalsik sa trono si Zeba at wakasan ang kanilang pagdurusa.Ginawa nila ito dahil sa napagkamalan nilang si Akira ay reinkarnasyon ni Unas nang palayain iya ang ilang mga alipin. Kilala siya bilang Adrian sa Filipino dubbed version

Personal na armas:Masky Tonfas

Haruka/Yellow Mask:Ginampanan ni Yuki Nagata.Isang 19 na taong gulang na ninja.Mula pagkabata, hinabilinan siya ng kanyang ama na iwanan ang mga bagay na "pambabae", kaya sa pagtanda niya, may sa lalaki siya kung kumilos.Mahilig din siyang magsayaw at tinuturuan ang isang mahirap na bata na hindi makabayad para sa mga dance lessons.Eloisa ang pangalan niya sa Filipino dubbed-version

Personal na armas:Masky Rotor at Shadow Split Bodies

Momoko/Pink Mask:Ginampanan ni Kanako Maeda.Isang 19 na taong gulang na eksperto sa tai-chi-schuan.Isang babae na may malinis na puso.Madalas siyang magturo ng tai-chi sa mga bata.Noong bata pa siya, nakatagpo niya ang ina ni Iyaru at Igamu sa isang kuweba at ibinigay sa kanya ang isang bulaklak na tinatawag na Carollove na pinkakaingatan niya.Sa isang kabanata, bumalik siya sa normal na anyo matapos siyang maubusan ng lakas sa labanan.Sa Filipino dubbed version, kilala siya bilang Mary Rose.

Personal na armas:Masky Ribbon

Ryo Asuka/X1 Mask:Ginampanan ni Hideki Habaya.Ang kaunaunahang Maskman na nakasuot ng berdeng combat suit.Mahusay sa martial arts subalit nang hindi nya nailigtas ang kanyang nobya, nawalan siya ng tiwala sa sariling kakayahan at nagpakalayo.Tinulungan niya ang mga Maskmen, subalit nawala ang kanyang kapangyarihan sa bandang huli.Nagbabagong anyo siya kapag isinisigaw niya ang mga katagang "Change Power".Nagpakita siya sa una’t huling pagkakataon sa kabanata 39.

MGA KAKAMPI:

Commander Sanjuuro Sugata:Ginampanan ni Hayato Tani.Isang siyentipiko at pantas na mahusay sa mental reinforcements.Isang taon bago lumusob ang Tube, nakalaban siya ni Takeru matapos maligtas ng huli ang isang sanggol sa may riles.Nang dahil sa katapangan ni Takeru, itinalaga siya bilang si RedMask.Kilala siya sa Filipino dubbed version bilang si Director Samuel Sugata.

Azuma:Siya ang babaeng nasa computer room at nagbabantay sa pakikipaglaban ng mga Maskmen.

MGA ARMAS:

Masky Brace:Bracelet ng mga Maskmen.Nagbabagong anyo sila kapag isinigaw nila ang mga katagang"Aura  Mask".

Laser Magnum:Baril ng mga Maskmen.Maari ring agmitin bilang espada.

Shot Bomber:Isang kanyon na ginagamit ng mga Maskmen sa pagtapos sa mga halimaw.Winasak ito ni Kiros sa Kabanata 27 katulong si Beam Doggler.

Jet Cannon:Pangalawang kanyon ng mga Maskmen.Binuo ito ng isang grupo ng mga batang inhenyero sa pamumuno ni Engineer Akaike.Una itong ginamit sa Kabanata 29.Di tulad ng Shot Bomber, mas malakas ito dahil gumagamit ito ng Aura Power.Ginagamit din ni RedMask bilang sasakyan ang armas na ito.

MGA SASAKYAN:

Spin Cruiser:Isang racing car na nagsisilbing personal na sasakyan ni RedMask.Ito ay binuo mula sa Sugata Super Formula-1 Model na siyang sasakyan na ginagamit ni Takeru sa mga karera.

MaskBikes:Mga motorsiklong ginagamit nina Black,Blue,Yellow at Pink Mask.

TurboRanger:Isang flying fortress na kahawig ng isang dambuhalang sport’s car.May kakayahan itong tumira ng missilles.Binibitbit din nito and mga bahagi ng GreatFive o di kaya ay ang Land Galaxy.(Hindi dapat ipagkamali ang sasakyang ito sa programang Kousuko Sentai Turboranger na ipinalabas sa taong 1989-1990.)

MECHA:

Great Five:Ang pangunahing robot ng mga Maskmen.

-Masky Fighter:Sasakyan ni RedMask.Ito ang bumubuo sa ulo ng Great Five.

-Masky Drill:Sasakyan ni BlackMask.Ito ang bumubuo sa katawan ng GreatFive.

-Masky Tank:Sasakyan ni BlueMask.Ito ang bumubuo sa mga binti ng GreatFive.

-Masky Jet:Sasakyan ni YellowMask.Ito ang bumubuo sa kaliwang braso mg GreatFive.

-MaskyGyro:Sasakyan ni PinkMask.Ito ang bumubuo sa kanang braso ng GreatFive.

Kapag isinigaw ni RedMask ang command na "Unite! Five Cross", nagcocombine ang 5 mga sasakyan.Ang mga armas ng GreatFive ay ang Great Gun, Gyro Cutter, Five Shield at Light Electric Sword Rider.Ang huli ay may kakayahang gawin ang technique na Final Aura Burst o di kaya ay Light Electric Slash.Lumubog ito sa ilalim ng lupa dahil sa patibong na ginawa ni Cranium Doggler sa Kabanata 20.Sa Kabanata 22, kinontrol naman ito ni KimenDoggler, subalit nailigtas ng GalaxyRobot.

Land Galaxy:Isang malaking trucktrailler.Kapag isinigaw ni RedMask ang command na"Galaxy Change", nagtratarnsform ang sasakyang ito upang maging Galaxy Robot.Nilikha ito ng kaibigan ni Com. Sugata na si Dr. Yamagata.Magkakumpitensya ang robot na ito at ang Great Five sa pagiging pangunahing robot ng kanilang squadron.Gayunpaman, namatay si Dr. Yamagata sa pagpapaandar ng robot at maging ang mga Maskmen ay nahirapan sa pagpapatakbo nito nung una nila itong madiskubre subalit dahil sa tiyaga, napaandar nila ito ng maayos at nagawa pang palabasin ang Aura Power nito.Ang mga armas nito ay ang Galaxy Anchor, Galaxy Bazooka at Double Vulcan.May kakayahan din ang robot na ito na gawin ang technique na Aura Galaxy Iron Fist.Ang robot na ito ang tuluyang tumalo kay Zeba at nagligtas sa mundo sa kadiliman.

ANG TUBE EMPIRE:Isang dating mapayapang imperyo sa ilalim ng lupa na pinasama at binulok ni Zeba na nagnanais na sakupin at pagharian ang lupang ibabaw.

Emperador Zeba:(1-51)Ginampanan ni Hideaki Kusaka.Malupit, buktot at uhaw sa kapangyarihan.Anak siya ng halimaw na si Lethal Doggler na nagnanais na pagharian ang ilalim ng lupa, subalit napatay ng tribo ng Igam. Bago mamatay si Lethal Doggler, nangitlog siya at isinianga ang kanyang anak.Dahil malapit na siyang mamatay, ipinakain nito sa anak niya ang sariling laman.Naging pangalawang Lethal Doggler ang anak niya at isinumpa niya na maghihigantii.Nagbalatkayo siya bilang si Zeba at sapilitang pinamunuan ang imperyo.Ginawa niya itong isang bulok at marahas na imperyo at inalipin ang mga mamamayan nito. Nais din niyang gawing isang madilim at malamig na planeta ang daigdig upang maging akmang tirahan Nalantad ang totoo niyang anyo.gamit ang aura power ng mga Maskmen at ng pinagsamang kapangyarihan ni Igamu at Iyaru.Lumaki siya matapos humigop ng aura power at tinangkang wasakin ang mundo subalit natalo siya ng Galaxy Robo.

Commander Baraba(1-48):Ginampanan ni Seijiro Shiga.Isang malakas na mandirigma mula sa tribong Baruga.Siya ang isa sa mga pangunahing pinuno ng hukbo ni Zeba.Madalas silang magiringan ni Igamu.Sa Kabanata 30, nakuha niya ang Royal Underground sword matapos patayin ni Devil Doggler ang kanyang inang si Raraba(ginampanan ni Machiko Soga).Matapos ang napakaraming mga kapalpakan, hinatulan siya ng kamatayan ni Zeba sa Kabanata 48.Binalaan siya na ang tanging paraan lamang upang mailigtas niya ang sarili ay ang talunin ang mga Maskmen.Nakipagkasundo siya kay Kiros at ginamit na hostage si Prinsesa Iyaru nang hindi nalalamang may iabang plano si Kiros.Pinagtaksilan siya ng kanyang alalay na si Oyobur dahil sa paggawa niya ng isang plano na walang pagsangayon ni Zeba.Hinamon niya si Red Mask para sa kanilang huling duwelo kung saan napaslang siya.Nalungkot si Igamu ng makita niyang mamatay sa hindi malamang dahilan, posibleng mahal niya si Baraba o di kaya ay nagaalala siya na baka siya ang susunod na mamatay.Sa Filipino-dubbed version, kilala siya bilang si Dargan.

Prinsipe Igamu(1-51):Ginampanan ni Mina Asami.Kakambal ni Prinsesa Iyaru.Bilang panganay, pinalaki siyang bilang isang lalaki upang balang araw ay siya ang susunod na mamuno sa kanilang imperyo.Matindi ang galit niya sa kapatid niya dahil sa umibig siya kay Red Mask at "dinungisan ang dangal ng kanyang pamilya" at kinamuhian niya si Takeru dahil dito.Sa Kabanata 10, nilabanan niya si Takeru sa pamamagitan ng kanyang technique na tinatawag na Death Ring na halos umubos sa lakas ni Igamu.Pinakawalan din niya si Igamu Dragon na isang maamong halimaw at ginamit niya ito laban sa mga Maskmen.Nabunyag sa lahat na siya ay isang babae sa kabanata 45 matapos makalaya si Blue Mask sa pagsapi sa kanya ng espiritu ni Unas.Naging mongha siya sa pagwawakas ng serye upang pagsisihan ang kanyang kasalanan at iniwan sa kapatid iya ang pamumuno sa kanilang imperyo.(Ganunpaman,sa Filipino-dubbed version, hindi nabigyang diin ang pagpapanggap ni Igamu bilang lalaki.Sa halip, ginawa na siyang babae sa simula pa lamang ng istorya at tinawag soyang prinsesa sa halip na prinsipe.)

Oyobu(1-51):Ginampanan ni Yoshinori Okamoto.Isang ninja mula sa tribong Boyun.May kakayahan siyang tumira ng apoy at kuryente.Ubod bilis din siya kung tumakbo.Tapat siyang kanang kamay ni Baraba.Gayunpaman, tumanggi siyang sundin ang amo niya matapos itong gumawa ng sarili nitong diskarte sa halip na sumunod sa utos ni Zeba.Namatay siya nang paliparin sa ibabaw ng lupa at sumabog ang palasyo ni Zeba sa huling kabanata.Tinatawag siya sa pangalang Vulko sa Filipino-dubbed version.

Fuumin(1-51):Ginampanan ni Kaori Kubota.Isang ninja mula sa tribong Fu at matapat na alalay ni Igamu.May kakayahan siyang tumira ng shuriken at bolang apoy mula sa kanyang bibig.Kakumpitensya niya si Yellow Mask sa pagiging mahusay na ninja.Namatay siya sa huling kabanata matapos iligtas si Igamu sa mga gumuguhong bato.

Ministro Anagumas(1-50):Ginampanan ni Takuso Kamiyama.Isang mataba at malabutiking halimaw.Siya ang pantas ng Tube at mahusay sa mahika.Siya lamang ay binigyan ng karapatang basahin at itabi ang mga kasulatan tungkol sa kasaysayan ng Tube.Tatlong beses lamang siyang napakita bago mamatay.Pinilit niyang pigilan ang pagkakabunyag ng lihim ni Zeba.Napatay siya ng mga Maskmen gamit ang JetCannon.Naging higante siya at tinalo ng Galaxy Robot.

Energy Beast Okerampa(1-50):Ginampanan ni Nobu Shinoda.Isang nilalang na may kakayahang palakihin ang mga napapatay na mga halimaw ng mga Maskmen gamit ang kanyang energy rays.Ang tanging linya lamang na sinasabi niya sa bawat kabanata ay "yare yare"(ay bahala na).Huli siyang napakita sa Kabanata 50 matapos gawing higanteng halimaw si Anagumas.Walang nakakaalam sa nangyari sa kanya.

Dark Knight Kiros(27-49):Ginampanan ni Fuchina Shinto.Hindi siya kasapi sa Imperyong Tube.Isa rin siyang mahusay na magnanakaw.May malaking pagkagusto siya kay Prinsesa Iyaru at nahulog sa Winds of Hell para mailigtas ang prinsesa.Ginamit niya ang Crescent Screw technique upang makatakas sa Winds of Hell at siya ring ginamit niya sa pagwasak sa ShotBomber.Nakipagkasundo siya kay Zeba na kung matatalo niya ang mga Maskmen, ibibigay nila sa kanya prinsesa.Kinuha niya ang nakakulong na Prinsesa Iyaru at binihag si Oyobur para sana tunawin ang yelo ni Iyaru kapalit ang kayamanan ni Kiros.Tumanggi si Oyobu.Nang dumating si Igamu at ang pangkat niya, napuruhan ng husto si Kiros upang protektahan si Iyaru.Namatay siya matapos makita na nagsamang muli sa Iyaru at Takeru.Pumanaw siyang bigo sa inaasam niyang pag-ibig mula sa prinsesa.

Prinsesa Iyaru/Mio:Ginampanan din ni Mina Asami.Siya ang kakambal ni Igamu.Ipinadala siya sa lupang ibabaw upang maging espiya at ginamit ang pangalang Mio, subalit umibig kay Takeru at ibununyag dito ang planong paglusob ng Tube. Ibinalik siya ni Igua Doggler sa ilalim ng lupa at pinarusahan ni Zebang makulong sa yelo.Mahal na mahal din siya ni Kiros, bagaman hindi niya siya mahal.Sa pagwawakas ng serye, napilitan si  Iyaru na makipaghiwalay kay Takeru bagaman may nararamdaman pa rin siya sa binata.Sa Filipino-dubbed version kilala siya bilang si Rio.

Ungler Soldiers:Mga sundalo ng Tube Empire na nakadamit ng itim at may mga tila baging sa mga mukha.Ang kanilang pangalan ay nagmula sa salitang "Underground".

Angramon Fighters:Mga fighter planes na ginagamit ng Tube sa kanilang paglusob. May kakayahan ang mga itong magsama-sama sa isang tila-alupihang halimaw na Angramon Snake.

ANG MGA DOGGLER BEASTS:Mga halimaw na nakakulong sa yelo sa malamig na mga kuweba ng imperyo na siyang ginagamit ng Tube laban sa mga Maskmen.Karamihan sa kanila ay may kakayahang hatiin ang sarili sa dalawa:Isang bahaging humanoid at isang parasite.

1-2.Igua Doggler:Isang tila-iguanang halimaw.Ang bahaging humanoid nito ay kasama ni Baraba sa paglusob at ang bahaging parasite nito ay ibinalik si Mio sa ilalim ng lupa.Ang halimaw na ito ay napatay gamit ang Shot Bomber at tinalo ng Great Five sa ikalawang paghaharap.

4.Capilla Doggler:Isang mala-bulaklak na halimaw na may parasite na anyong higad. Ginamit no Oyobur ang halimaw na ito upang gumawa ng Moebius Tunnel.Upang lamunin ang mga sasakyang pumapasok dito.Nawasak ng Spin Cruiser ang Moebius Tunnel.Napatay siya ng Shot Bomber at tinalo ng Great Five sa ikalawang paghaharap.

5.Skull Doggler:Isang halimaw na may kakayahang pagpalit-palitin ang mukha ng mga tao.Napatay siya ng Shot Bomber at tinalo ng Great Five sa ikalawang paghaharap.

6.Drill Doggler:Isang halimaw na ginamit ni Baraba upang magtanim ng bomba sa ilalim ng lupa.Napatay ang halimaw na ito ng Shot Bomber at natalo ng Great Five sa ikalawang paghaharap.

7.Doll Doggler: Isang halimaw na ginamit ni Oyobur upang kopyahin ang hitsura ng nililigawan ni Kenta na nagngangalangNapatay ang halimaw na ito ng Shot Bomber at natalo ng Great Five sa ikalawang paghaharap.

8.Saber Doggler:Isang halimaw na ginamit ni Igamu upang ikulong sa yelo sila Red, Black at YellowMask.Nailigtas sila ng dalawang natitirang Maskmen gamit ang isang bulaklak na tinatawag na Maria Rose.Napatay ang halimaw na ito ng Shot Bomber at natalo ng Great Five sa ikalawang paghaharap.

9.Magne Doggler:Isang halimaw na ginamit ni Baraba upang humigop ng kuryente.Napatay ang halimaw na ito ng Shot Bomber at natalo ng Great Five sa ikalawang paghaharap.

10.Bagil Doggler:Isang halimaw na ginamit ni Zeba upang pigilan ang pagtutuos ni Igamu at Takeru.Napatay ang halimaw na ito ng Shot Bomber at natalo ng Great Five sa ikalawang paghaharap.

11.Zora Doggler:Isang halimaw na pumigil sa tuluyang pagkakabunyag ng lihim ni Zeba.Napatay ito ng ShotBomber at natalo ng Great Five sa ikalawang paghaharap.

12.Shinobi Doggler:Isang halimaw na nagtataglay ng Shinobi Ball na pinagaagawan ni Oyobur at Fumin.Napatay ang halimaw na ito ng Shot Bomber at natalo ng Great Five sa ikalawang paghaharap.

13.Garaga Doggler:Isang halimaw na ginamit ni Igamu upang gawing bampira ang mga tao.Napatay ang halimaw na ito ng Shot Bomber at natalo ng Great Five sa ikalawang paghaharap.Nang mapatay ito, bumalik sa dati ang mga biktima nito.

14.Akame Doggler:Isang halimaw na ginamit ni Oyobur upang pamunuan ang mga alipin sa ilalim ng lupa.Napatay ang halimaw na ito ng Shot Bomber at natalo ng Great Five sa ikalawang paghaharap.

15.Geruge Doggler:Isang halimaw na ginamit ni Igamu upang magtanim ng mga Hell Flowers.Napuksa ang mga bulaklak gamit ang katas mula sa CarolLove.Napatay ang halimaw na ito ng Shot Bomber at natalo ng Great Five sa ikalawang paghaharap.

16.Gamaro Doggler:Isang halimaw na ginamit ni Baraba upang higupin ang lakas ng mga Maskmen(liban kay BlackMask).Napatay ang halimaw na ito ng Shot Bomber at natalo ng Great Five sa ikalawang paghaharap.

17.Giba Doggler:Isang halimaw na ginamit ni Igamu upang ikulong si RedMask sa isang Hell’s Labyrinth.Nakawala si RedMask dito gamit ang Aura Power ng mga kasama niya.Napatay ang halimaw na ito ng Shot Bomber at natalo ng Great Five sa ikalawang paghaharap.

18.Garubo Doggler:Isang halimaw na ginamit ni Baraba upang sapian ang isang manika.Napatay ang halimaw na ito ng Shot Bomber at natalo ng Great Five sa ikalawang paghaharap.

19.Igara Doggler:Isang halimaw na pinalakas ng mahika ni Anagumas kasama si Baraba at Igamu upang talunin ang mga Maskmen.Napatay ang halimaw na ito ng Shot Bomber at natalo ng Great Five sa ikalawang paghaharap.

20.Cranium Doggler:Isang halimaw na nagpanggap na isang babaeng nagngalang "Kotsuhi" na siyang gumulpi ng husto kay Momoko kung kaya naubusan siya ng lakas at hidi nakasakay sa Great Five.Napatay ang halimaw na ito ng Shot Bomber at natalo ng Great Five sa ikalawang paghaharap.Nang mapatay ang halimaw na ito, nagsitalsikan ang mga buto sa likuran nito na naging dahilan ng paglubog ng Great Five sa ilalim ng lupa.

21-22.Kimen Doggler:Isang halimaw na ginamit ni Igamu upang talunin ang mga Maskmen.Napatay ito ng Galaxy Robot gamit ang Double Vulcan nung hindi pa ito lumalaki.Nang maging higante, kinontrol nito ang Great Five gamit ang isang ulo nito.Muli siyang napatay ng Galaxy Robot.

23.Genie Doggler:Isang halimaw na ginamit ng Tube upang gawing kamukha ni Mio ang isang babae at magespiya sa mga Maskmen.Napatay ang halimaw na ito ng ShotBomber at tinalo ng Galaxy Robot sa ikalawang paghaharap.

24.Dragon Doggler:Isang halimaw na ginamit ni Igamu upang gawing halimaw ang mga tao.Napatay ang halimaw na ito ng Shot Bomber at natalo ng Great Five sa ikalawang paghaharap.

25.Goblin Doggler:Isang halimaw na ginamit ni Baraba upang ipasok si Akira sa isang huwad na torneo. Napatay ang halimaw na ito ng ShotBomber at tinalo ng Galaxy Robot sa ikalawang paghaharap.

26.Jiruga Doggler:Ang halimaw na ito ay anak ng isang halimaw na nagngangalang "Seira" na umaakit sa mga lalaki upang maging cactus na nagsisilbing pagkain niya.Nang maging ganap na halimaw siya, pinatay niya ang sariling ina dahil sa pakikipagkaibigan nito kay Kenta.Napatay ang halimaw na ito ng Shot Bomber at natalo ng Great Five sa ikalawang paghaharap.Nang matalo ang halimaw, bumalik sa dati ang mga biktima nito.

27.Beam Doggler:Isang halimaw na nagbabalat kayong kabayo.Katulong siya ni Kiros sa pagwasak sa ShotBomber.Napatay ito ng mga Maskmen katulong ang Life Aura ni Com. Sugata at natalo ng Galaxy Robot sa ikalawang paghaharap.

28.Rock Doggler:Isang halimaw na may kakayahang mag-anyong bato.Napatay ito ni RedMask gamit ang kanyang Masky Blade at tinalo ng Great Five sa ikalawang paghaharap.

29.Desga Doggler:Isang halimaw na ginamit ni Igamu upang puksain ang mga tao gamit ang nakalalasong gas na ibinubuga ng halimaw na ito.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

30.Devil Doggler:Pinaslang ni Baraba ang halimaw na ito upang makuha ang Royal UnderGround Sword matapos patayin ng halimaw na ito ang kanyang ina.Tinalo ang halimaw na ito ng Great Five sa ikalawang paghaharap.

31.Ragon Doggler:Ginamit ni Igamu ang halimaw na ito upang pakawalan si Igamu Dragon matapos ang pangaasar sa kanya ni Baraba.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

32.Lens Doggler:Isang halimaw na may kakayahang gawing isang nakamamatay na liwanag ang sikat ng araw katulong ang Royal Underground Sword.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

33.Gora Doggler:Isang halimaw na may kapangyarihan ng telekinesis at ginamit ni Kiros upang talunin ang mga Maskmen.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

33.Gigira Doggler:Isang halimaw na napaslang ni Kiros 3 taon bago niya hinarap ang mga Maskmen

34.Guron Doggler:Isang halimaw na nagpanggap na isang binatang nagngangalang "Hikaru"(ginampanan ni Yasuhiro Ishiwata) at umibig kay Momoko.Nagbalik siya sa pagiging halimaw ng tirahin siya ni Zeba ng kanyang energy wave. Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

35.Haniwa Doggler:Ang halimaw na ito ang siyang nagbabantay sa libingan ni Lethal Doggler.Nang tinangka ni Kiros na buhayin si Lethal Doggler, lumabas ang halimaw na ito mula sa libingan ni Lethal Doggler at kinalaban ang mga Maskmen.Inakala ni Kiros na siya ang hinahanap niyang halimaw.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

36.Nimen Doggler:Isang halimaw na ginamit ni Igamu upang magdulot ng mga pagsabog matapos ilagay sa kambal na sina Eriko at Mariko ang dalawang maskara nito.Napakawalan ang kambal gamit ang kuwintas ni Mio na nakay Takeru.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

37:Mezume Doggler:Isang halimaw na ginamit ni Kiros upang gawing duwag si Kenta subalit nagawa ni Kenta na kontrahin ang sumpa ng halimaw.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

38:Time Doggler:Isang halimaw na ginamit ni Igamu upang bumalik ng 10 taon upang patayin si Takeru mula sa pagkabata nito.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

39:Magma Doggler:Isang halimaw na ginamit ni Baraba upang tapusin ang mga Maskmen, subalit dumating si X1 Mask upang tulungan ang mga Maskmen.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

40:Barudo Doggler:Isang halimaw na ginamit ni Igamu upang patayin ang isang babaeng nagngangalang Mai na kabilang sa isang tribo sa ilalim ng lupa na tinatawag na Melme.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

41:Hariga Doggler:Isang halimaw na ginamit ni Kiros upang gawing mga mgananakaw si Haruka at Momoko na hindi man lang nalalaman na hindi pala sila nakontrol ng halimaw at nagawa pa siyang isahan.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

42.Kinoga Doggler:Isang halimaw na ginamit ni Baraba upang magtanim ng Powerolls.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

43.Gizee Doggler:Isang halimaw na ginamit ni Kiros upang ikulong si Akira sa isang pyramid na gawa sa dugo ni Lethal Doggler.Nang nasa pyramid si Akira at nang makawala, nawala ang paningin niya dahil sa sumpang ginawa ng mga taga-ilalim ng lupa.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

44.Armor Doggler:Isang halimaw na ginamit ni Igamu upang gawing
si Underground Knight Unas si Akira.Napatay ni Red Mask ang halimaw na ito gamit ang Masky Blade at tinalo ng Glaxy Robot sa ikalawang pagtutuos.

45.Gamesu Doggler:Ang halimaw na ito ay personal na alalay ni Underground Knight Unas.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

46.Goddai Doggler:Ang halimaw na ito ay ang guro ni Igamu sa kanyang pagkabata at isa sa mga nakakaalam ng totoong pagkatao niya.Mula sa mahiwagang bukal, kinuha niya ang mga buto ni Lethal Doggler upang sana’y gamitin laban sa mga Maskmen.Sinapian siya ng espiritu ni Lethal Doggler nang protektahan niya si Igamu sa mga buto nito.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

47.Spin Doggler:Isang halimaw na ginamit ni Baraba upang tawagin ang Diyos ng Digmaan ng Tube  kasama ang iba pang mga tao gamit ang isang pagsasayaw.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

48.Baruga Doggler:Isang halimaw na ginamit ni Baraba upang lagyan ng bomba ang yelo ni Iyaru batay sa sulsol ni Kiros.Napatay ito ng mga Maskmen gamit ang Jet Cannon at tinalo ng Great Five sa ikalawang paghaharap.

49.Hell Doggler:Ang halimaw na ito ang nagbabantay sa Winds of Hell. May kakayahan itong higupin ang panira ng kalaban at ibuga ito pabalik sa kanila.Napatay ang halimaw na ito ng Jet Cannon at tinalo ng Galaxy Robot sa ikalawang pagtutuos.

51.Lethal Doggler:Ang halimaw na ito ang magulang ni Zeba at siya rin niyang tunay na anyo.Nalantad ang totoo niyang anyo matapos na magsanib ang kapangyarihan ni Iyaru at Igamu pati na rin ang Aura Power ng mga Maskmen.Tinalo siya ng Galaxy Robot nang siya ay maging higante.

Horn Doggler(sa pelikula):Ang halimaw na ito ay ginamit ni Igamu upang magdulot ng lindol sa ibabaw na daigdig katulong ang awit ng isang sirena na nagngangalang Lelai.Ang halimaw na ito ay napatay gamit ang Shot Bomber at tinalo ng Great Five sa ikalawang paghaharap.

MGA KARAGDAGANG IMPORMASYON:

-Ang seryeng ito ay may orihinal na titulong "Fivenan" kaya mayroong numerong 5 sa damit ng mga Maskmen, subalit pinalitan bilang "Maskman".Ang Fiveman ay ginamit sa super sentai na Chikyuu Sentai Fiveman na ipinalabas sa taong 1990-1991.

-Ito ang unang serye na may isang robot na nahahati sa lima, may ikalawang kanyon at unang 6th ranger(si X1 Mask na lumitaw sa isang kabanata lamang).

-Ang Tagalog openning at ending theme ng Maskman ay inawit ni  Norman Caraan ng bandang Boy Friends, bagaman madalas na mapagkamalang ang TVJ(Tito, Vic and Joey) ang kumanta ng mga ito.

-Si Kim Atienza(o si Kuya Kim) ay naging isa sa mga unang dubbers ng Maskman bilang si Michael Joe/Takeru sa unang 26 na mga kabanata.

TUNGKOL SA MGA CAST:

-Si Ryosuke Umizu na gumanap bilang Takeru ay lumabas din sa Chikyuu Sentai Fiveman bilang isang botanist, sa Super Rescue Solbrain bilang isang video game developer at sa Gosei Sentai Dai Ranger bilang Media Sorcerer Monster

-Si Kanako Maeda na gumanap bilang Momoko ay lumabas din sa Choujin Sentai Jetman sa karakter na nagngangalang "Kanna", isang dimensian.

-Si Yasuhiro Ishiwata na gumanap na Hikaru/Guron Doggler ay gumanap bilang Bun/Blue Flash sa Choushinsei Flashman at sa Choujin Sentai Jetman bilang "Ray" ang nobyo ni Kanna.

-Ang namayapang si Machiko Soga na gumanap bilang Raraba ay gumanap bilang si Witch Bandora sa Kyoryuu Sentai Zyu Ranger,Jikuu Senshi Spielban bilang Pandora at marami pang ibang tokusatsu shows.

-Iisang aktres lamang ang gumanap bilang Igamu at Mio.Siya ay si Mina Asami na lumalabas din sa ilang "soft core" porn movies bago, habang at matapos siyang gumanap sa Maskman.

-Si Hayato Tani na gumanap bilang Com. Sugata ay nasa palabas na "Takeshi’s Castle" bilang si General Tani, ang kalaban ni Konde Takeshi(ginampanan ni Takeshi Kitano).

Sa ganda at kaastigan ng palabas na ito, naging popular ito sa mga kabataan noong mga huling taon ng Dekada 80 at mga unang taon ng Dekada 90.Ngayon, may mga kumakalat na mga tsismis sa internet na gagawan daw ito ng remake ng ABS-CBN 2!Nang mabalitaan ko ito, naalala ko ang Shaider na binaboy ng GMA 7 na naging Zaido.Kung ako ang tatanungin, ayaw kong iremake ang Maskman dahil baka matulad ito sa Zaido na isang malaking kabastusan at pambababoy sa Shaider. Mas mabuti pang i redub na lamang ang Maskman kaysa gawan ng remake.Panawagan ko sa mga istasyon ngayon, sana matapos na sa Zaido ang mga ginawang pambababoy sa mga classics ng 80’s. Dapat lang na ibalik sa telebisyon ang mga nakagisnan naming mga palabas upang mapanood din ito ng susunod na henerasyon.

Kahit hindi naipalabas ang huling episode ng Maskman sa Pilipinas, hinding hindi ito malilimutan ng mga taong nakalakihan ang palabas na ito at patuloy na magiging bahagi ng aming kabataan.

Happy 21st Anniversary Hikari Sentai Maskman!!